|
beqaraarii sii beqaraarii hai
beqaraarii sii beqaraarii hai
din bhii bhaarii hai raat bhaarii hai
zindagii kii bisaat par aksar
jiitii baazii bhii ham ne haarii hai
[bisaat=game-board]
to.Do dil meraa shauq se to.Do
chiiz merii nahii.n tumhaarii hai
baar-e-hastii uThaa sakaa na ko_ii
ye Gam-e-dil jahaa.N se bhaarii hai
[baar=weight]
aa.Nkh se chhup ke dil me.n baiThe ho
haa_e kaisii ye pardaa-daarii hai
|
